حسبتك عديم احساس وصرت لي كل احساسي

تذكير بمساهمة فاتح الموضوع :

الشخصيـــــــــــــــــــــــــــــــــــــــات&&
ابوابراهيم(منصور) الجد
ام ابراهيم (منيره)وهي تولد بنتها حصه
مرت الجد (طرفه)
الكبير ابراهيم+عبد الله+حصه +++راشد ولد ابو ابراهيم بس من مرته طرفهوعمره30 سنه وهو سند ابوه في الشغل
.................................................. ....

ابواحمد(ابراهيم)
ام احمد(ساره)
مي في تؤام 19سنه+وعد9 سنه
احمد 24سنه+فيصل26سنه +بدر15سنه
...................................
ابو فهد(عبد الله)
امفهد(هيـــا)
*1-فهد متزوج اوسم زووجته لمى وعندهم بنت وولدين (جوري+راكان +ريان)
2-عبد الله
3-خالد
4-نوف
5-منـــــال (متزوجه من عبد العزيزوعندهم بنت عمرها سنتين)
................................
عائله (ابومتعب)
ابومتعب(تركي)
ام متعب(حصه)هي عمتهم
1-مها
2-مشاعل
3-متعب 17
............................
ابو سعد(احمد) صديق العائله واقرب لهم منالاخو
ام سعـد(عبير)
1-سعد عمره28
2-زياد وعمره 27
3- سلطان9 سنوات قدوعد

++++++++++++++++++++++++++++++++
وطبعا لازم ماننسى الشغالات لانهملهم دور اساسي في القصه خخخ
(سومياتي شغالة ابو سعد اندونيسه)
(كارني وهيشغالة ابو فهد فلبينيه)
(آني وهي شغالة ابو احمد اندونيسه)
(ستي وهي شغالةبنت ابو فهد عبير سيرلانكيه)
(شمسيه وهي شغالة هنديه مجنونه وتشجع الهلالبأخلاص)

الجزء الاول ((الفصلالاول))
&&&&&&&&&&&&&&

ابوسعد دق على : هلاا ابو احمد
ابو احمد: هلا والله ابو سعد كيفكم كيفالعيال
ابو سعد: والله الحمد الله بخير انتو كيفكم وش صار على موضوع الاستراحهتراني نسيت موضوعها
ابو احمد: ايه والله صدقت ترانا نسينا موضوعالاستراحه
ابو سعد: ايه والله خلاص ولا يهمك بخلي فهد يدق على الهندي يشوف اذاهي فاضيه في اول يومين في العيد والا لا
ابو احمد: خلاص اجل انت شوف وش يصيرمعاك وعلمني عشان اذا كانت مو فاضيه ندور غيرها عارف العيال خلااص تعودو عليهاويبونها ومزعجيني
ابو سعد: ايه والله البنات عندي كلو رااسي يبون الاستراحه ونبياستراحه فقلت خلاص نخليها عاده عندنا يكوون مره زين والا انت وش رايك
ابو احمد: والله صدقت اصلااا لها جو ثاني نذبح هناك ونخلي الحريم يصلحون لنا الفطوور المعتبرمع الجو مرره الطلعه تصير حلوه

ابو سعد: خلاص اجل راح نكون على اتصالقريب
ابو احمد: ايه انشاء الله فمان الله
ابو سعد: فمانالله

+++++++++
في بيت ابو احمد
ام احمد: ها يا ابو احمد كنت تكلممين
ابو احمد:والله هذا ابو سعد
ام احمد: ها وش عنده
ابو احمد: يقولي علىموضوع الاستراحه في العيد
ام احمد: ايه طيب وش صار حجزتوها ترا وقت الاعياد تكونمحجوزه قبل شهر موانتو تحجزوها قبل يومين
ابو احمد: انا عارف بس هذا الهندي خلاصعارف ان كل عيد اول يومين يحجزها لنا من قبل ما ندق عليه
ام احمد: يله يصير خيرالبنات تراهم مزعجيني
ابو احمد : وانا بعد ما سلمت من لسااانهم يبون يتجمعون معبنات عمهم ويسعون صدورهم
ام احمد : يله انشاء الله نطلع كلنا الااقول ياابراهيم
ابو احمد: سمي
ام احمد: وش رايك تخلي ابو فهد يجي معانا في الاستراحهمرره بناتك يحبونهم ويحبون بناتهم وتصير الجمعه مكتمله

ابو احمد: خلاص انابدق على الرجال واشوف يمكن بعد اهو مرتبط بشي او طلعه
ام احمد: انت دق واسألوتأكد منه
_________________________-

ابو فهد كان جالس في مجلسه مع عبدالله يسولفون عن مواضيع الاسهم اللي مجننه خلق الله كلهم ويدق جوال ابو فهد
++__ عبد الله عمره 24 سنه انسان جدي في كل شي عنيد وراسه يابس فيه من اخوه بس فهد احلىعبد الله رسمي في كل شي حتى في الحب ما يفتح قلبه لاحد بسهوله يعني ما في احد يعرفعن حياته شخصيه والعاطفيه غير سلطان اللي يكون قريبه من بعيد بس هم تعرفو على بعضمن سبع سنين ومن بعدها ما افترقو وكل واحد منهم يعرف عن الثاني كلشي_+++
*****
عبد الله : مين يبه
ابوفهد: هذااا ابو احمد والله عمره طويلتوه وفي بالي
ابو فهد: هلا والله بطويل العمررر هلا والله
ابو احمد: هههههههههه اجل انا على البال مو ناسيني
ابو فهد: ومن يقدر ينساك يا ابراهيم الاوشلونك وش اخبار العيال
ابو احمد: والله الكل بخير ويسلمون عليك وعلى طاريالعيال اهم صاجيني اقولك انت والعيال تجون في الاستراحه في العيد
ابوفهد: يعنيمو منك اجل منهم
ابو احمد: هههههههههههههههههه لا والله انا ناوي ادق عليك بساهم عااد ذكروني ها وش رايك
ابوفهد:والله انا ما عندي شي بس لازم اسأل ام فهداذا كان عندها ارتباط او شي عارف في العيد مشاء الله عليها اهي ما تجلس فيالبيت
ابو احمد: خلاص خل ام فهد تكلم ام احمد وتعلمها
ابوفهد: يصير خير انشاءالله بس انت بتطلعون مع مين ؟؟؟؟
ابو احمد: بس احنا وانتو وابو سعد
ابوفهد: الله يكتب اللي فيه الخير
ابو احمد: انشاء الله يله فمان الله وسلملي على العيالكلهم
ابو فهد: يوصل فمان الله
+++++++
ابو فهد كان رجاال غني لانه خبره فيمجال العقار وولده عبدالله طالع عليه في هالشغله انسان جدي في حياته وخاصه في شغلهوما في احد يشك بذكائهابدااا
&&&&&&&&&&&&&&&&&&&&&&&&

راحابوفهد يسأل ام فهد على موضوع الاستراحه
ابو فهد: يا هيا ابو احمد دق اليوم عشانيبينا نروح الاستراحه معهم يوم العيد وننام فيها يومين وش رايك عندك روحه من هنا منهنا؟؟
ام فهد: لا والله عاد توني مسكره من ام احمد قلتها ان ما عندنا شي بس لازماسألك
ابو فهد: والله انا ودي اروح من زمان عنهم ومدام ماراح نسافر هالعيد وماعندنا طلعات زي كل سنه واستراحاتنا فيها العمال ماراح يخلصون تصليحاتها الا في شهرمحرم.
ام فهد: والله انا ودي اروح بعد مرره طلعاتهم ساعه صدر انا اقول خلنانروح
ابو فهد: خلاص اجل بكلم ابو احمد واقوله لانها بتكون يعني عرفه بيكونالثلاثاء يعني العيد الاربعاء بس احنا بنام فيها عرفه نفطر مع بعض ونعيد ونذبحالصبح
ام فهد: خلاص اجل بقول للعيال كانهم بيجون معنا
ابو فهد: كلهم بيجون مافي روحات معنا بيجون معنا بيجون
ام فهد: لا تغصبهم يمكن يبون يطلعون بر معاخوياهم
ابو فهد: لا يخلون طلعاتهم ثاني العيد اول يوم بيعيدون ويذبحون معناقولي لهم
ام فهد: انشاء الله خلاص صار بقولهميتجهزون
=+++++++++++++++++++++++++=

جا يوم عرفه والكل تجهز يطلعللأستراحه هذي الاستراحه دايم ابو احمد واهله يطلعون فيها استراحه كبييره وفيهاملعب تنس وكوره قدم ومبسح وساحه العاب للاطفال وفيها كم نوع من الحيوانات من ارانبوحمام وبط وغيره وكانت برى الرياض في منطقة الخرج........

&& ابواحمد وبناته طلعو الاستراحه من الصباح يجهزونها للضيوف ويحضرون لهم المفارش والخياموالقهوه واللقيمات للفطوور صار كنه يوم رمضان حتى منــال خلتهم يمرونها من بيتهاعشان تروح معهم لان زوجها مستلم لانه يشتغل ضابط وبيجيهم المغرب يفطر معاهم وبيرجعالرياض الليل عشان شغله رفض يعطيونه اجازه

مي: في يا الخبله انزلي من فوووقلاتطيحين تتكسرين وتخربين علي ما اشووف الناس اللي اب اشوفهم بسببك
في: خبله فيعينك ولا تحسبيني مو فاهمه من تبين تشوفين تراني ذكييه ومخي نظيف ويا حبيبتي ناسيهاننا توأم اعرف اللي في راسك قبل ما تقولين
مي: لالالاأأأأ انتي فهمتيني غلطاانا قصدي ام فهد لاني احبها واهي تحبني ومن زمان ما شفتها
في: يا عيوني يا امفهد اذا كل هالكشخه لها يا عيووووووووني ياعيوني بتدوخ عليك
مي: تتوقعينتدوخ>>>>قصدها يدوخ احنا فاهمين قصدها غبيه هالبنت
في: شوفيالصرااحه الصراحه
مي: ايييييييييييييييييييييه
في: انتي يعني يعني ماعليك بسانا بغطي عليك عارفه ليه؟؟؟
مي: لا والله ليييييييه؟؟؟
في: لاني كلي ذوقوذكيه ولي وجهه واحد مو زيك ام وجهين عند الناس شي وعندنا شي>>>بتفهونقصدها بعدين

مي: اقول انزلي لأرجمك بحصاه في نص راسك وبعدين قصري صوتك لوسمعك احد وش بقول
في: بيقول انك دايخه على نااس ما اتوقع اهم دارين حتى عناسمك
مي: فيييييييييي اقولك اسكتي وانزلي لاوريك شغل الله
في: يمه خوفتينيانا بنزل مو عشانك بنزل عشان انا ابي انزل فااهمه

**مي وفي اهم احلى بنتينفي العائله مع ان في عربجيه واسمها مو راكب عليها ينفع لها اسم طرفه والا عفته موفي بس في ملامحها احلى وانعم من مي بس عشان مي مهتمه بنفسها ولبسها وشعرها طوويلواسود لنص ظهرها كيري لخفيف والكل يحسدها عليه لانه كثير واسود ويصلح دعايه شاامبووهههههههههههههاي
جسمها مخصر ولها خصر مررره صغير وعيونها كبار عسليه وخشمها صغيرولونها برونزي يجنن صاحبتها يحاولون يقلدون لونها بس لونها من ربي حلو مو صناعي زيغيرهااا واهي عارفه انها حلوه والناس خاقه عليها بس مو مهتمه وما تعطي احد وجههبسهوله ابدااا==

اما في فهي عكس مي في كل شي مع انهم توأم وشخصيتاتهمالمفروض تكون متشابهه لحد كبير الا انها عكس مي شعرها بوي وصابغته لون شوكلاته حلوووتسويه سبايكي دايم عيونها واسعه ومكلحه وافتح من عيون مي جسمها حلو بس مخربتهبالملابس الواسعه اللي تلبسها تكرهه شكلها مع انها احلى من اختها ولونها افتح من ميبس حلووه وعيال عمها يحبونها لانها مثل صديقهم عكس مي اللي ما تعطيهم وجه

&&وصل ابو فهد وابو سعد على الساعه 12 الظهر وكان الجوو دافي فيههوا بارد شغلو النار وجلسوا الرجال حولها وبدو يسولفون لحد ما يجي وقتالفطور

عند الحريم%%%%%%55

ام فهد: هلا والله بحبيتي ميكيفك؟؟
مي: هلا والله خالتي انا مررره بخير انتي كيفك>>>>ومشدده علىالراء
ام فهد: انا بخير حبيبتي اجل وين في ما شفتها>>>>ياكره الدلعالمااصخ
تقولها بضيقه مي: في في الملعب تلعب كوره >>>امداك كلمتينيتروحين تسألين عنها اف بس
ام فهد: تكفين ناديها لي مرره مشتاقتلها
وعيونهابتطلع مي: عيوني اناديها لك>>>>بروح اجرها من شعرها

$$$فيبنت تعشق الكوره وتشجع النصر نصراويه متعصبه مثل عمانها وعكس عيال ابو فهد الليكلهم هلالين متعصبين اكثر بعد ولا يحبون احد يتكلم عندهم عن النصر>>>علىفكره انا مثلها نصراويه
وحلقها بيطلع منمكانه:فييييييييييييييييييييييييييييييييييييييييي يي ييييييييييييييييييي
في: نعم اعصابك اعصابك شوفي لسانك طاح شيليه
مي: طاح طاح اقول بس تعالي لا تلحقينهاخلصي
في: وش تبين؟؟؟
مي: خالتي ام فهد تسأل عنك تبي تسلم عليك
في: يوووهطيب ليش مستعجله بجي الحين يله روحي لاشوتك بهالكوره

اما ام فهد اليكانت تنتظر في لانها من زمان ما شافتها ومي الي سبقت في ودخلت عند الحريم وهي مادهبوزها شبرين ورمت نفسها على الكنب جنب بنت عمها نوف

نوف: شوي شوي لايطيحبوزك
مي:فكني يختي ماني فاضيتلك
نوف:طيب طيب بسكت و الي ماخذ بالك يتهنىياحلوه ههههههههههههههههههههههههاي

وعلى طول قامت نوف وانحاشت طعت منالغرفه لايجيها بوكس محترم من مي
مي: مجنونه هالبنت وقامت تحرك شفايفها تكلمنوف بتوعد وتاشر لها على رقبتها يعني بااخنقك هههههههههه

وراحت نوف للملعبعشان تروح لـــــ في

***نوف بنت عمهم عبدالله(ابو فهــد) بنت حبوبه واطيبمنها مافييه كل الصغار والكبار يحبونها لانها ماتشيل على احد شي تحب المزح والضحكوهي اقرب لفي من مي ودايم هي وفي مابينهم اسرار وعمرها 19 نفس ميوفي&&

نوف وصلت للملعب الي كان في جهة الرجال

في :خاااااااااااااااااالد ناول ناول بسرررعهه تقددددددددم

خالد:يله روووحيمافي قدامك احد

في :قوووووووووووووووووووووووووووووووووووووووووووووووو ووول

خالد :بطله بططططططططططططططططله والله بطله
في: ههههههههههههههههههعارفه خخخخ

نوف: في ياسلام ايه وريهم ان البنات ابطااالهههههههههههههههاي
في:لاتوصين حريص المهم تعالي العبي معنا
نوف:لا والله وبعدتقولها كذا كنها مسلمه علي
في:ههههههههههههههه والله اسفه بس لاتدفييينيختي
نوف :مين دفك يامجنونه
في: المهم كيفك وتعالي بالاحضانياحبيبتشي
نوف:والله مو منك من هالمصريه الي مصاحبتها .....

تابع>>
بدر واهو يحضنه: هلا والله زيود من طول الغيبات
كمل عنه: جابني
بدر وزياد:هههههههههههههههههههه
ركبو السياره
بدر: ايوه اخبار الاهل
زياد واهو يفتح جواله: بخير وانت كيفك
بدر: الحمد الله هانت يااخوي ابي ارجع اهل البحرين طيبين والديره تجنن بس مالك غناه عن ديرتك
زياد : وانا وش اقول انت في بلد خليجي كنك في ديرتك انا اللي في ديره الغربه
بدر: ايه والله صدقت الله يعينك خلاص هانت باقي شوي ونرجع الديره رافعين روسنا
زياد: ايه هذا اللي مصبرني
مسك جواله واتصل عليها ردت عليه وصوتها كله نوم وتعب
زياد بشوق غريب: هلا خلووده
خلود فتحت عيونها ما صدقت انه اهو: هلا زيااد
زياد وده يطير عندها: قلبي خلود وينك فيه
سمعت هالكلمه وبدت تبكي بصمت: انا في المستشفى
زياد وقف قلبه : مستشفى أي مستشفى وش تسوين هناك خلود ليش تبكين
خلود وبدى صوتها يعلي : تعال المستشفى.............. انا في غرفه 234 استناك
زياد حس ان الموضوع كبير منومه في المستشفى ومن دون ما تقوله: طيب مسافه الطريق مع السلامه
خلود: فحفظ الرحمن
بدر: وش الموضوع
زياد مختبص ما يعرف وش يقول: مدري مدري يا بدر اهي في المستشفى
بدر : طيب أي مستشفى
زياد قاله عن اسم المستشفى وبدر عرفه على طول بحكم عيشته كم سنه في البحرين طار في عشر دقايق وصل
Oo اما اهي ما صدقت حبيب قلبها زياد جاي قامت دخلت الحمام>>الله يعزكم
جلست تناظر ملامح وجهها الذبلانه المرض تعبها اهلكها قضى عليها واهي ورده في عز شبابها تنشر عبيرها في كل مكان تكره زياد وتحبه في فس الوقت كرهته على الفتره اللي تركها فيها تركها في عز حاجتها له صدق انه ما يعرف عن مرضها بس كانت تتمنى وجوده حولها اللي ممكن ينسيها المرض مع انها مستحيل تنساه تحبه تحبه لانه الوحيد اللي حسسها بأنوثتها بطعم الحياه بوجوده غير له لمسه تشفى كل جروحي وله كلمه تداوي القلب وتغنيه عن كل الدنيا تبيه ياخذها ويطير اهو وياها في دنيا مافيها غير انفاسه وانفاسها بس تذكرت انها اليوم يمكن تودعه يمكن اخر مره تمسكه تلمس يديه تتكلم معاه تحس فيه ويحس فيها كرهت المرض كرهت نفسها بدت تدور حول نفسها تدور على شي يخفف القهر اللي فيها لقت اقرب شي فازه صغيره مسكتها ورمتها على المرايا وتكسرت اجزاء طار منها وجرحت يدها
زياد: قلبي خلود وش فيك سلامتك
خلود تناظره وعيونها مو قادره تفتحها : انت جيت >>>ورجع يغمى عليها
زياد شالها وحطها على سريرها غطها بمفرشها الابيض شاف ملاك مو بنت في العشرين لاحظ الدوائر السوداء حول عيونها لاحظ كيف نحفت وتهالك جسمها بشكل يخووف حط بوكيه الورد الاحمر على الطاوله وطلع يركض مثل المجنون يدور على الدكتور ممرضه أي شي ممكن يشوفون وش فيها
*8اخيرا لقى الدكتور وفحصها وعطاها ابره مسكنه وطلع لحقه زياد يبي يعرف وش في حبيبه قلبه صاير مثل الاطرش في الزفه مو عارف أي شي
زياد بخوف ما يوصف: ها يادكتور طمني اهي وش فيها
الدكتور كان شكله كبير وصاحب خبره كان لابس نظاره ويخط في شعره الاسود شيب معطيه وقار: طيب ممكن اعرف انت وش تقرب للمريضه
زياد قالها بعفويه: انا خطيبها
الدكتور: وانت كنت وين طول هالاسبوع
زياد تفاجأ انها منومه من اسبوع بعد: اانا كنت مسافر بس علمني يا دكتور اهي وش فيها
الدكتور: طيب يا اخ..
زياد: معاك زياد احمد
الدكتور: والنعم يا اخوي تفضل خلنا نجلس ونتكلم بهدوء
زياد: تفضل
راحو المكتب وطلب الدكتور لهم كاسين عصير وجلس يتكلم معاه بكل هدوء
الدكتور: يا اخ زياد تبي تفهمني انك مو عارف طبيعه مرض خلود
زياد تضايق من اسئله الدكتور زودها: انا كنت ادرس برا لي سنه توني ارجع فهمني ايش الموضوع لو سمحت
الدكتور: طيب انت اكيد مؤمن وعارف ان كل واحد وله عمر وله يومه
زياد خاف من كلامه: والنعم بالله
الدكتور يكمل: وكل من على هالدنيا فان ويبقى وجه ربك ذو الجلال والاكرام
زياد تعب من هالدكتور: والنعم بالله كمل يا دكتور
الدكتور: يا اخ زياد اللي مع خلود هو ورم في المخ
زياد كان يشرب من العصير تخدرت يده وطيح الكاس:........................
الدكتور كمل كلامه: واهي حالتها متاخره مره بحيث ان أي علاج خلاص ما يفيد جربت اهي مره نوع جديد من الرنين المغناطيسي بس مافاد في حالتها خلاص اهي ما بقى لها في هالدنيا الا فتره يمكن تكون ساعه يمكن تكون يوم ويمكن حتى سنه العلم عند ربك
زياد لازالت الصدمه مخليته يعجز عن الكلام:............
الدكتور: فأنا انصحك انك تعيشها اخر لحظاتها حلوه لان اهلها كل يوم عندها وانا كلمت ابوها وعمها وكلهم فهمو نوع مرضها وتقبلوه وصارو ما يبينون لها انها قريب بتفارق الدنيا بالعكس مع انها عارفه وطلبت مني اشرحلها كل تفاصيل حالتها
زياد واخيرا قدر يتكلم: طيب ومافي امل خلااص يعني
الدكتور: للأسف والعلم عند لله
زياد نزلت دمعه حايره على خده مسحها وقام: مشكور يا دكتور
الدكتور: يا زياد
زياد بصوت مقتطع: نعم
الدكتور: ادعي لها ولاتقنطو من رحمه الله
زياد: ونعم بالله
طلع من الغرفه وضااقت الدنيا فيه حس انه سبب اللي صار فيها ماصدق ان خلود
ولااستوعب شي من الي قاله الدكتور لاخلود مو ممكن تموت وتخليني لاهي تحبني انا عارف ماراح تموت
وفي ممر المستشفى مشى زياد وهو وحاس كان مويه بارده انكبت عليه فجأه صحته من حلم انه يكون مع خلود وانها تكون له وام عياله صح هو كان راجع يقولها انه يبي ينهي كل شي بس يوم شافها نسى حتى انه فكر مجرد فكره انه يترك خلود
واخذ يمشي وهو يطوي ذكرياته مع خلود و في داخله حوار قاسي بينه وبين نفسه
يعني صدق بتروح من يدك خلود يازياد تستاهل ربي عطاك ايها وانت ولاعبرتها وتركتها المسكينه تعاني بدونك ليش يازياد ليش واخذ يتذكر كل لحظه كل كلمه كل ضحكه كل دمعه مع خلود يعني ممكن تكون اخر مره تسمعها تحكيلها تشكيلها تحبها يازيااد مشى والدنيا كل مالها تسود في عينه كان يمشي وعيونه في الارض وده يدخل راسه بين رجليه مشى لحد ما وصل غرفتها وقف رفع عيونه لقى فاطمه تمسح دموعها
فاطمه تفأجات : زياااد
زياد بحزن واضح: هلا فاطمه >>واشر على غرفتها
فاطمه هزت راسها: ايه ادخل لها يا زياد

&&فتح الباب مشى بخطوات ثقيله شافها شاف خلود ملاك ابيض على فراش ابيض تخيل انه يوم بيفارقها تسكرت الدنيا في وجهه احلى سنين عمره قضاها معها لو كانت سنتين سنتين عمر يمضي دنيا تمر احزان وافراح حزنت معاها فرحت معاها انسانه تنحب بكل معنى الكلمه كلماتي تعجز هاللحظه تنوصف كل يوم شوقي لها يكبر حبي لها يكبر ياربي لا تحرمني منها يااارب
مشى قرب سحب الكرسي بهدوء ما يبي يزعجها الغرفه كانت ظلااام اجهزه حولها غطت عليها بس ما غطت جمالها الاخاذ طول عمرك تسحريني لمح عيونها بدت تتحرك مسك يدها حس برودتها الفتت عليه وابتسمت ابتسامه نورت دنيته
خلود بصوت تعبان وهادي: هممم اه
زياد قرب جسمه منها: سلامه قلبك من الاه قلبي بردانه
خلود وصوتها تعبان اكثر: لا زياد
زياد حط يده على فمها: هشش اسمعني انا بتكلم
خلود شالت يده: لا انا انا خلاص ما عندي وقت اقول كل اللي عندي
زياد بلهفه : لا تقولين كذا بتقومين من هنا وبروح اخطبك من ابوك بس انتي مو تتشرطين علي
خلود تحاول تضحك: هههههههه لا ما اتشرط بس اسمعني
زياد شد يدها لصدره : تفضلي ياقلبي
خلود دمعت عيونها تذكرت خلاص بتفارقه وبتروح: زياد ادعي لي ربي يرحمني
تو زيااد بيقاطعها قالت : اص خلني اكمل كلامي
سكت زياد غصب عنه
خلود:زياد انا خلاص بترك هالدنيا ابيك تعيش حياتك واذا جبت بنت سميها علي اوكي
زياد ابتسم: انشاء الله وشلون اسمي البنت على امها
خلود ابتسمت غصب عنها تتمنى تكون امها: انت عارف اني ماراح اكون زياد انا ان
زياد انشد لها: انتي ايش
خلود واهي تناظر فووق: انا انا
زياد مسك دقنها: خلود ناظريني ناظريني
حطت عينها في عيونه طاحت دمعتها على خدها : انا احبك >>نزلت راسها
ناظرت السقف مره ثانيه شهقت مره الثانيه وسكتت الاجهزه حوولها
زياد يناظرها وساااكت بعد دقيقه او ساعه ما كان يحس : خلود عاد بلامزح يله قومي معاي بروح اخطبك الحين وبعدين نسوي عرس هنا وعرس في السعوديه عشان اهلي انتي عارفه
هدووء غرفه مظلمه اجهزه اهدى وجهه ملاكي نايم
خلوود قلبي يله اصحي الحين بدى يهزها يهزها ومافي استجابه خلوود ماتت فارقت الدنيا للأبد
زياد لسى ما صدق هالواقع المر لازال مومستوعب بدى صوته يعلى: خلوووود خلووووووووود اصحي <<الدموع بدت تنزل انهار دموع عالم دموع الم وحزن كيف بنساك ليش رحتي وتركتيني ليش
دخلت فااطمه على صوت زياد اللي خايفه منه صار خلود صديقه عمرها حبيبه قلبها اختها اخت دنيا فارقت الدنيا وفارقتها تركتها في اعز حاجتها لها تكفين لاااا
فاطمه وبكاها يعلى اكثر واكثر : لا خلووود لااا
زياد من الصدمه راح وقف بعيد وقف في زاويه الغرفه يناظر مو مصدق تذكر احلى ايامهم ذكريااتهم ضحكتها اللي ترد الروح لجسده طلع يركض من المستشفى يشوف في كل شي سواد بسواد
طلع يركض شغل سيارته واشتغل الراديو وكانت في اغنيه
اقدر اتحمل كل شي يوقف دمي وما يمشي خل عيني تزعل رمشي خل كل شي بي يصير
طفى الراديو ودموعه على خده كل مالها تذكر كل مكان هنا يذكره فيها كل ركن كل زاويه كل شي ريحه عطرها ضحكاتها كلامها وحتى زعلها حلووو
راح للمكان الوحيد اللي يرتاح فيه يبي مكان يشوف خلود فيه وقف على البحر نزل ترك كل شي في السياره مفتاحه وجواله ونزل
جلس على رمل البحر وجلس يناظر يستناها تجي من وراه تكلمه
تذكرها لما جت معاه اخر مره البحر
خلود:ههههههههههههههههههه وانت متى بتبطل حركاتك
زياد:خخخخ لما انتي تبطلين تحلوين كل يوم
خلود نزلت راسها : زياد
زياد يبي يحرجها اكثر: ياعيون وقلب زياد
خلود قلب وجهها لونه اصفر: ...........................
زياد يبي يقهرها:هههههههههههه شوفي وجهك لونه صار اخضر
خلود عصبت عليه: اخضر اخضر
زياد:هههههههههههه طيب وش كنتي بتقولين
خلود: تتوقع اهلك بيوافقون
زياد تذكر هالسالفه اللي مضيقه خلقه: انشاء الله ليش لا
خلود: مدري يعني اني مو سعوديه
زياد يبي يريحها: ياقلبي احنا ما نهتم بهالموضوع السعوديه مثل البحرينيه المهم عندنا الاخلاق
خلود ابتسمت حست براحه: طيب اوكي
زياد: حياتي انتي لاتفكرين انشاء الله كل شي يصير اوكي
خلود: انشاء الله
قطعت عليه افكاره المويه اللي وصلت لمكان ما اهو جالس انا اللي دمرتك يا خلود برفضي لك انااا تعب من الجلسه فكر يدق على بدر بس هون اهو ماله خلق يشوف احد را ركب السياره حب يريح عيونه لانه عارف انه ماراح ينام سنين ودهور بعد خلوود ماراح يحب القلب غيرها شغل ايات من كتاب الله ورجع راسه توه بينام من التعب والارهاق وجواله يدق
جلس يدور الجوال لقاه طايح تحت الكرسي رد بصوت مرريض وتعبان حيل: هلا احمد
احمد صلح جلسته كان طالع الاستراحه مع الشباب: هلا زياد عسى ما شر وش في صوتك وينك ادق عليك من الصبح
ناظر جواله لقى عشر مكالمات ست من احمد وثنين من امه وحده من بدر وحده من ابوه
زياد بدى يتذكر شكلها اللي مغاب عن عينه لحظه: خلود يا احمد خلود
احمد قام طلع من الغرفه وراح يمشي : وش فيها خلود
زياد صوته بدى يتغير وتخنقه العبره مره ثانيه: ماتت ماتت يا احمدوانا بلحقها
احمد بصدمه: ايييييييش وش تقول انت كيف
زياد:ماتت
احمد حس هذا وقت حاجه صاحب عمره له: اسمعني يا زياد انا جايك اليوم انتبه تسوي لنفسك شي تذكر امك واابوك ترحم عليها ماتجوز لها الا الرحمه
زياد ولسى مو مصدق: الله يرحمها
احمد راح الغرفه خذ شماغه وطلع وصار يكلم زياد طول الطريق مايبي يتركه في هالحاله واهو منهار باين انه كان يحبها من جد
وصل البيت **
احمد واهو ينزل من السياره: زياد انا كم ساعه واكون عندك
زياد ماقدر يقوله لاتجي واهو في حاجته: خلاص توصل بالسلامه
احمد : الله يسلمك بس ما اوصيك
زياد: ايه انشاء الله فمان الله
احمد: الله يحفظك انتبه لنفسك
**بيت ابو احمد**
دخل احمد مسررع دخل غرفته جمع ملابسه واغراضه خذ مفتاحه ونزل من الدرج مسرع والا وامه تناظره
ام احمد تناظر الشنطه: على وين على وين
احمد يبوس راسها: الله يسلمك ياالغاليه بروح اسبقكم للشرقيه
ام احمد: وابوك داري
احمد: خلاص بقوله وانا في الطريق ما اتوقع يمانع انتو بتلحقوني بكراا
ام احمد: طيب يا حبيبي انتبه لنفسك مو تسرع عااد
احمد يبوس راسها: ولا يهمك يا الغاليه بمشي عشره لعيونك
ام احمد:ههههههه يكون احسن
احمد: مع السلامه سلميني على البنات اشوفكم بكرا انشاء الله
ام احمد: انشاء الله فمان الله
طلع ركب سيارته ودق على ابوه
احمد: هلا يبه
ابو احمد: هلا ابوي تبي شي داق هالوقت غريبه
احمد يناظر ساعته كانت 11 في الليل وابوه عند ابو فهد في الشركه لسى ما خلصو اشغالهم:ايه يبه انا الحين بروح الشرقيه بسبقكم
ابو احمد استغرب: ليش طيب ما تستنى ونمشي بكرا جميع
احمد ما يبي يعلم ابوه السالفه بالضبط: زياد في البحرين وابي اروح معاه يوم قبل ما توصلون
ابواحمد ما اقتنع بس حب يمشي بمزاجه: خلاص ياولدي انتبه على الطريق
يتبع>>

تابع>>>
احمد: انشاء الله مع السلامه
ابو احمد: مع السلامه
***في بيت ابو متعب**
كانت جالسه فر غرفتها صارت انطوائيه قلت جلساتها مع اهلها طلعاتها من البيت على عكس اختها اللي حالها من سئ لأسؤ من يوم ما صاحبت شله السوء واهلي في انحدار صارت تقابل شباب في الاسواق وتكلم كل يوم عشره صار ادمان صعب الشفاء منه لازال شخص في بالها ما قدر يطلع منه استملك خيالها وتخيلاتها كلها ملك قلبها مع انه طول الوقت قدامها يمكن شهامته صحت فيني شي ميت لازم اكون قد ثقتك يا خالد وبتغير عشان اكون قدها
مشاعل تسكر جوالها: هي انتي وين رحتي
مها انتبهت لها: وش تبين
مشاعل: ما ابي شي بس ابي اعرف وش فيك
مها عصبت من كثر اسئلتها: مافيني شي ما فيني شي اتركيني بحالي
مشاعل خافت منها: طيب ااعصابك ما ابي يطق فيك عرق
مها : اقول اطلعي برااا
مشاعل بدون اهتمام: ماراح اطلع وش فيه وليد ما صار يدق لا يكون تركك
مها بعصبيه: اسمعي انتي وليد هذا ما ابي اسمع اسمه مره ثانيه فاااهمه فااهمه
مشاعل شكت: انا متأكده انه سوى شي قولي لي اقدر انفيه من على الكره الارضيه
مها : اطلعععي برااا
مشاعل خافت ترميها بشي: طيب طيب اخرتها انتي بتجين تترجيني اساعدك
طلعت وراحت غرفتها مسكت التلفون ودقت على صديقتها أميره
اميره كانت عكس اسمها في كل شي لا اخلاق ولا جمال ولا شي واهي ما قصرت بس طلعت مع شباب الرياض كلهم والكل يعرفها صارت معروفه شاارع التحليه صار خبره من كثر ما اهي مطيحه هناك وتاخذ ارقام اهي اللي نزلت مشاعل لهالطريق صدق مشاعل كانت تكلم من اول بس عمرها ما طلعت وقابلت اللي تكلمهم برااا ابداا بس الحين تعودت خلااص سبحان الله الصاحب سااحب
اميره: هلا وغلا بميشوووو
مشاعل: هلا اميره
اميره: وش فيك صوتك متغير
مشاعل واهي تتنهد: مها اختي مدري وش صاير معاها تذكرين وليد خويها اللي قلتلك عنه
اميره خبره : اكييد اعرفه توني شايفته امس في كوفي في التحليه مع ابراهيم
مشاعل ارتاعت منها: وانتي ايش دراك
اميره بفخر غبي مثلها: انا اميره مو حي الله اعرف الكل والكل يعرفوني
مشاعل في نفسها يازين المعرفه بس:ايه ناسيه انتي مين
اميره: ها بتطلعين بكرا
مشاعل: اشوف طفشت من الطلعات
اميره: احد يطفش من الطلعات الله يهديك
مشاعل: ايه انا اذا كنت بطلع بعطيك الووو
اميره: اوكي سي يو
مشاعل: سي يو تو
****في غرفه مي كانت نوف جايه عندهم بعد ما جابها خالد وجلست تقولهم وش صار لما حلق شعره**
في مو قادره تمسك نفسها من الضحك:ههههههههههههههههههههههههههههههههههههههه
مي:هههههههههههههههههههههههههههههههههههههههههههه
نوف: والله انا تعبت من الضحك عليه مسكينه يقولي انا بتغير
في: يستهبل الكل يتغير الا خالد
مي: وانتي الصادقه
نوف: ولله مدري احس هالمره جد في شي مغيره صاير ما يمزح مثل اول وما يجلس يسهبل معاي مثل اول في شي صاير معاه وشي كبير خلاه يتغير كذاا
مي : يمكن ما يندرى عنه
ام احمد كانت تطق الباب
مي: هلا يمه
ام احمد وتعطيهم العصير : هلا نوف وشلون امك
نوف: تسلم عليك خالتي
ام احمد: الله يسلمك وياها ترا احمد يسلم عليكم
نوف سمعت اسمه من هنا ويوقف شعر راسها من هنا
مي: الله يسلمه بس ليش يسلم
ام احمد: مشى اليوم الشرقيه
في: ليش ما استنى والا خذنا معاه
ام احمد : شكل ورى روحته بدري شي بس انا ماسألته
مي: خلاص بعد شوي ندق وشرشرحه
ام احمد:عيب يابنت
في:ههههههههههههههههههه
ام احمد واهي طالعه : ايه يا نوف سلميني على امك
نوف: يوصل انشاء الله
بعد ما طلعت ام احمد جلسو البنات ياكلون شبسات ويسولفون على هم الدراسه ما بقى عليه شي كان في ماسكه لاب توب احمد وتقرى اشعاره الجديده
في: نوف وش رايك تقرين شوي من اشعار احمد
نوف: اكيد اهو ما يمانع
مي: لا عادي احنا نمسك ونقرى على راحتنا ما يقول شي
راحت نوف ومسكت الاب توب وبدت تقرى وشدها عنوان قصيده
((((قصيده حب)))
على طاري قصيده حب كتبت اجمل معانيها
احس بعالم الغربه يجول بعالم أفكاري
رسوم الشوق في قلبي تباشير الفرح فيها
انا المشتاق لعيونك يعالج باقي اعذاري
مجاديف الزمن تجري تبعدني وانا ابيها
انا ما اقوى على بعدك يبعثر خافي أسراري
عذاب الحب مهلمني وهجرانك وتوليها
تصور كيف انا بقدر اعيش بظلمت الداري
جنونك راسخ فيني حياتي لك امشيها
اضمك داخل عيوني وتصبح عاشق انظاري
هلا والله ياغالي تشرف روح ترجيها
وتسكن قلب(احمد)بلاتدليع ختاري
تجي وتشوف مقدارك تعالي يم راعيها
ابد ماخنت انا عهدك عليه صار اجباري
على طاري قصيده حب كتبت اجمل معانيها
احس بعالم الغربه يجول عالم افكاري
((لشاعر عبد الله بن مخلف العنزي))
عاشت جو غريب تحبه بس ليش عندها شكوك وما تبي توافق يمكن تبي تختبره وتختبر حبه لها بفكر واستخير وبعدها يحلها الف حلال
مي تهز كتفها: يا اختنا في الله وين رحتي
نوف انتبهت: هااا هنا بس لقصيده حلوه
في: اجل اخوي ما يلعب واذا حب حب>>>وغمزت لنوف
نوف ااستحت: وش تلمحين له انتي الثانيه
في: قصدي يابختك فيه
نوف راحت تدور شي ترجمه عليها ما لقت الا علبه بيبسي فاضيه وترميها وتضرب في في راسها: يا بختي يا بخته اهو فيني ومن قالك اني بوافق اصلا يعني
مي: نشوووف نشووف اذا ما سألك ابوك وقلتي موافقه موافقه موافقه
نوف ولعت منهم يضحكون عليها: اشوف فيكم يوم يا بنات ابراهيم
مي تبي تقهرها: يا عيوني بنات ابراهيم مو أي شي يقدر يهزهم
في: صدقتي
مي : الا اقول وش رايكم ندق على احمد
نوف انقلب وجهها: وليش
في: ابي اجننه بطلع ريحته عشان مره ثانيه يقول لنا قبل ما يسافر مو يطير كذااا
مي: عاد تصدقين انا احس سفرته مو لله
نوف : وش قصدك
مي: مدري بس انا مو مرتاحه وش اللي يخليه يسافر كذا بسرعه ولا حتى فكر يمر يسلم علينا عمره ما سوها على كثر سفره
في: وصح وبعدين احنا بنروح بكرا يعني ليش مستعجل الا اذا فيه شي
نوف نغزها قلبها: انشاء الله ما في الا الخير لا تخلوني اجلس افكر لبعيد
مي تغمز لفي: القلب بدى يحن
نوف تضايقت من جد: يا شينكم كرهتوني في عيشتي خلااص اسكتوو
مي حست انها زودتها بس كانت تمزح: خلاص اص بدق
**احمد شاف رقم اخته وجلس يضحك كان يتستنى اتصالهم عارف انهم ماراح يعدونها له كذا بالساهل**
احمد يتميلح: هلا وغلا بها الصوت
مي كانت فاتحه السبيكر: هلا حمودي حبيبي
احمد يبي يقهرها: حبيبيك في عينك ما يحق لاحد يقولها غير نوف
نوف استحت وغطت وجهها بالمخده
احمد ما كان عارف ان نوف موجوده خالد جابها بعد ما طلع من البيت بخمس دقايق بس
في سحبت السماعه من مي: هلا احمد وينك الحين
احمد: هلا فيويه انا باقي لي يعني ساعتين وانشاء الله اوصل البحرين
في استغربت : وش يوديك للبحرين
احمد : بعدين اقولك
في حست انه ما يبي يقول لانه عارف ان السبيكر مفتوح: الا اقول ما ودك تسلم على بعض الناس
احمد طير حواجبه: أي ناس انتي الثانيه
نوف تأشر لفي على رقبتها مقتوله مقتوله لالا
في ولا اهتمت: نوف موجوده وطول اليوم تحش فيك
احمد طاار لانها موجوده في بيتهم: تحش مثل ما تبي حلالها
مي وفي ما يخلونها في حالها: ياااااااااهوووووووووو
نوف رجمتهم بالمخدات اللي جمبها: اقول نقطونا بسكاتكم
احمد سمعها: ايه نقطونا بسكاتكم نوف
نوف مستحيه: هلا
احمد: كيفك
نوف: بخير وانت
احمد: صرت الحين هالدقيقه بخير احد يبدل صوت الكناري بصوت الغربان
نوف تبي تقهرهم:ههههههههههههه مشكور
احمد: تسلم هالضحكه
مي : ياعيني الحين مي انا اانا صرت غراب اجل في ايش
احمد: ضب
مي ونوف:ههههههههههههههههههههههههههههههه
في: انا اوريك يا احمدووه اوريك بكرا الوعد ان ما دعستك في بطنك
احمد: انا طول عمري اشك فيك انك مو بنت اقول يله بس خلوني اعرف اسووق
مي: هذا جزانا داقين نسليك في الطريق الموحش
احمد: ما في شي موحش هنا الا انتي واختك
مي : ونوف
احمد بدى يغازل الاخ: نوف اه من نوف بس
نوف انحاشت برا الغرفه من الحيا
مي وفي:هههههههههههههههههههههههههههههههه
احمد: وش فيكم
مي: البنت من كثر ما انحرجت انحاشت
احمد:هههههههههههههههههه وهذا اكثر شي احبه فيها تستحي مو مثلكم انتو الثنتين وجيهكم مغسوله بمرق
مي: ياخي وش هالامثال اللي زي وجهك ما تعرف تتكلم
احمد: اذا زي وجهي اجل حلوه ويله بس مع السلامه
في: مع لسلامه وانتبه للطريق واذا وصلت طمنا
احمد: اوامر ثانيه يا الشيخه
في: ايه طس
احمد: جعل بليس ما يربح انتي اللي طسي <<وسكر السماعه في وجهها
وقف احمد عند المحطه يعبي بنزين كان المحطه مظلمه وتخوف طلع من السياره واتصل على زياد يشوف كيف حاله
احمد: هلا زياد
زياد شكله كان نايم : هلا احمد وصلت
احمد حس انه صحاه من النوم: معليش صحيتك
زياد :ههههههههه أي نوم تتكلم عنه انا ماراح انام سنه من بعدها
احمد : ياخوي ما تجوز عليها الا الرحمه الا بسألك انت وينك فيه
زياد: انا جالس على البحر
احمد ارتاع: لحد الحين
زياد: وين اروح ويين كل مكان هنا يذكرني فيها وغير البحر مافي مكان اقدر اتحمل اجلس فيه
احمد: وين بدر طيب
زياد: بدر مسكين ما يدري لو يدريانا اعرفه ما يخليني لحالي
يتبع>>

تابع>>
احمد: وليش ما قلتله حضرتك
زياد: خله بهمه اخته صار معاها السرطان وراح الشرقيه يشوفها
احمد: لا حول ولا قوه الا بالله الله يكفينا الشر وجميع المسلمين اسمعني اانا تقريبا ساعه ونص واكون عندك انشاء الله
زياد: انشاء الله اعذرني يا احمد ان تعبتك معاي
احمد حز في نفسه كلامه: افاا عليك انت اكثر من اخووو والا نسيت وقفاتك معاي وبعدين احنا مابينا هالكلام ما بين الاخوان هالكلام
زياد: صدقت يل توصل بالسلامه
احمد : انشاء الله انتبه لنفسك واقرى شوي قران ترا ترتاح
زياد:ما تحتاج تقول لو ما كنت قريت كان انا من زمان رحت فيها كتاب ربك ينزل السكينه في النفوس الحمد الله على كل حال
احمد: الله يثبتك هذا زياد اللي اعرفه يله مع السلامه
زياد: مع السلامه
احمد سكر السماعه وشاف سياره موقفه في جهه مظلمه من المحطه راح يمشى لقى اثنين سكارى ومعاهم خمر ويشربون مثل المجانين
السكران الاول يتكلم ولسانه ثقيل: ايه واطقها طق قطعت العقال على جلدها
الثاني بصوت غليض واقفومتسند على السياره ويشرب: كفوو والله كفوو
احمد: ما اقول الا يا مثبت العقول
الاول يقرب من احمد وريحته طالعه: وانت وش دخلك خير نعم
احمد متقرف منه من ريحته شكله : اقول تنظف من هالوسخ اللي تشربه بعدين كلمني لا والله ادق على الشرطه يجون يسحبونكم من ثيابكم زي الكلاب
الثاني قرب ومسك احمد من ثوبه وريحته اخيس من اللي قبله: انت شكلك ما ودك تطلع حي من هنا
احمد مسك يده ولفها ورى ظهره وبصوت مرعب: الا انت اللي شكلي بدفنك في ارضك والله ان شفتك موقف هنا لكسر راسك واجرك على الشرطه جر
الاول: وانت وش دخلك
احمد : المحطه ومحطتي يله تسهلو لكسركم انتو الاثنيه يللللللللله
مسك احمد القاروره اللي في يده ورماها على الارض لحد ما تطايرت في كل مكان والريحه كانت تقرف حتى الحيوانات >>الله يعزكم
وما تشوف الا هالاثنين ركبو سيارتهم وغبارهم وراهم
احمد : والله ما ضيع الديره الا هالاشكال الله يهدي شباب المسلمين من هالاذيه اللي دمرتهم ودمرت عائلات كله بسبب المشروب والمخدرات الله يكفينا
ركب سيارته وتوجه للبحرين وصل الجمارك طلع بسرعه وتوجه للبحر عارف مكان زياد اللي كانو دايم يجونه&&
نرجع لخالد اللي اكيد الكل مستغرب احواله اللي متغيره مزحه قل وكلامه صاير غير ومختلف في كوفي في شارع التحليه
خالد كان جالس اهو واعز اصحابه سعود
سعود: خالد ابي اعرف وش اللي مغيرك كذا
خالد يرد عليه من دون نفس: وانت لمتى بتسأل هالسؤال
سعود: لبكرا لحد ما تجاوبني
خالد: شوف انا كنت عايش حياتي بطريقه غلط عرفت اغلاطي وصلحتها وش فيها ياليت تسوي مثلي لانك بترتاح اترك عنك الكالمات والبنات ما يجي من وراها الا البلاوي
سعود واهو يحط الكوفي على الطاوله:شوف الموضوع ما يتعدى المكالمات والطلعات بس اني اغلط مع وحده انا ما ارضهاعندي خوات في البيت
خالد يتهزى بكلامه: احلف عاد تصدق مرره فرقت
سعود عصب من طريقته: وش قصدك
خالد ما يبي يخسر صديق عمره: شوف يا سعود طيب انت كلمتها ترضى اختك تكلم واحد
سعود عصب: اكسر راسها وراس اللي تكلمه
خالد اثبت وجهه نظره: شفت
سعود استحى من نفسه: شفت بس خلاص خلنا نغير الموضوع
عند باب الكوفي دخل شخص اخر واحد كان يبي يشوفه خالد او حتى الشعور متبادل عنده
جلسو على طاوله ورى طاوله سعود وخالد
وليد: وهذا الحقير شغله عندي يحسبني بسكت
ابراهيم يناظر خالد نظرات احتقار: وش ناوي عليه اشوفك سااكت
وليد بقهر مو طبيعي: والله لخليه يعض اصابعه ندم اهو موا عارف انا مين
ابراهيم يبي يشعل النار: والله ما شفناك مسوي شي
وليد بحسره وقهر مكبوت: والله شغله عندي بس استنى علي في بالي شي بسويه في وقته بس اصبر علي
ابراهيم: نشوف يا وليد اذا بتخلي خالد ولد عبد الله يسوي فينا كذا وانت ساكت
وليد استغرب: وانت وش دراك عن اسم ابوه
ابرهيم: خالد هذا اشهر واحد في شارع التحليه ولد مشهوور حده والكل يعرف حركاته وطالعاته مع بنات بس له فتره متغير
وليد: وشلون متتغير
ابراهيم: واحد من الشباب يعرف خويه يقول انه متغير محلق كشته اللي له كم سنه رافض يحلقها وهذا اكبر تغير
وليد ما هتم : المهم انا بقضى عليه ومثل ما صار مشهور اخليه يرجع للشارع اللي جا من وما اكون ولد ابوي
ابراهيم يحب النجاسه: كفوو والله ما هقيتك تخليه يفلت منك بعد اللي سواه من دون عقاب يندم عليه طول عمره
وليد : اصبر وبتشوف وليد وش يسوي
**بعد ما طلع خالد من الكوفي وانسدت نفسه من شوفه وليد اللي ما ارتاح لها بالمره راح ياخذ اخته من بيت عمه وماكان وده يشوف مي كان يحس بألم في قلبه لما يشوفها وده يتكلم وده ينطق بس الشعور بالرفض يبعده عنها احاسيسه متضاربه لمتى ياخالد انت ساكت بنفجر انا تغيرت لمين لها والا ل ليش مو قادر تقول اسمها لمها مهاا صدى اسمها يفجر كل الدنيا قدامي ودي ارتاح من هالشعور قلبي منقسم بين حب طفوله حب ماضي حب من طرف واحد وحب جديد توه ينولد على هالدنيا ماله في هالحياه الا فتره قصيره بس حسه اقوى من أي شعور حسه مع مي اه يارب ريحني دلني اهديني انا تعبت خلاااص وصل لبيت عمه قطعت عليه افكاره اللي هاليومين ذبحته طول عمره يحب مي وعود نفسه على حبها بس ما ظن لو للحظه تدخل قلبه وحده ثانيه
خالد رد على جواله
خالد: هلا يله اطلعي
نوف: خلودي عيب انزل سلم على عمي ابراهيم
خالد طفشان حده: خليها مره ثانيه تلقينه راجع من الشركه تعبان
نوف : طيب يله البس عبايتي واطلع
خالد: عجلي انا تعبان
نوف استغربت منه: انشاء الله دقيقه
؛؛؛؛؛؛؛؛
مي: ما راح ينزل
نوف: لا يقول تعبان
مي: وش فيه
نوف: مدري يا مي حال اخوي مو عاجبني منقلب حاله من بعد العيد والاستراحه
يتبع>>

بنات سوري ما راح اقدر اكملها

» حسبتك عديم احساس وصرت لي كل احساسي