عيونك يا بعدي عذبت عيال الحمايل

..::الجزء الثاني::..

الساعه 9

غرفه السينما مليانه بنات وبينهم ولد واحد

طاوله عليها جميع المسليات لزوم المباراه

شاشه السينما مفتوحه على قناه الاغاني

والكل متحمس للتحدي

اللي في الغرفه

ساره:ريال مدريد ..

سامي:ريال مدريد ..

جوري:برشلونه ..

سمر:برشلونه ..

سحر:برشلونه ..

سامي اخذ ساره على جنب:ليش ما ناديتي ياسمين

ساره رفعت حاجبها:هيا ما تحب المباريات والهبل دا وبعدين انتا ايش تبغابها

سامي:هاا ما ابغا حاجه بس احسها فله وتعمل جو في المكان

ساره طالعت في اخوها ياسمين مره ناعمه وهاديه وكلامها قليل اسم على مسمى:طيب دحين اتصل عليها انا كم سام عندي

سامي باس اخته على خدها :الله يخليكي ليا

ساره قالت تقهره:يععععع الله يقرفك

سامي مشي وطنشها حبيبته بتوصل

اتصلت على صحبتها

سامي طلع من عند البنات

رجعت للبنات متحمسه وفي راسها فكره شيطانيه

ساره:اسمعو سام طلب ياسمين تجي يقول انها تعمل جو وفله

كلهم طالعوا فيها يعني تستهبلي

سحر :مين اللي فله ياسمين !!

سمر:سحر انتي اسكتي فهمك ضئيييل ما حتفهميها

سحر:طيب فهميني يا ام العريف

سمر:ساامي يحبها من زماان

جوري:ايوا صح ما لاحظتوا لمن تجي ايش يحصلو

ساره:الله ونااسه ماي بيست فريند ويذ اخويا العوزيز

سحر:امممححححق من لغه هههههه

ساره:طيب اسمعوا لازم نخليه يقولها اليوم

البنات بحمااس:ايوه ايوه

جلسوا يفكروا ويخططوا

طلعت ساره راس البلاء جابت الكاميرا لسحر المصوره المحترفه عندهم

وباسرع من السرعه كانو طالبين بوكيه ورد ياسمين

راحت جوري عند سامي بيدها الورد دقت الباب ودخلت كان يكلم جوال

سامي بعد ما خلص:هذا ليا انا ي نااااس على فصعونتي الله ياخذك مني

جوري:اول حاجه ياخذك قبلي قول امين تاني حاجه لا طبعا مو لك انتا وجهك وجهه ورد ياسمين

سامي جلس على السرير:طيب

جوري حطت الورد على المكتب اللي في الغرفه ونطت جنب اخوها:سااام يا الحبيب

سامي طالعها مو عاجبه:مين الحبيب

جوري:وااو وناصه اخويا اسستحى

سامي قام يلعب بالورد

وجوري تراقب فيه

جوري مره قريبه من اخوها:تبغى تقول حاجه

سامي:لمين دا الورد ؟

جوري:بعدين تعرف !!

سامي:اعشق ورد الياسمين

جوري:من متى ؟!

سامي :من يوم حبيتها

جوري:مين هيا ؟

سامي:اللي سمو الورد على اسمها !!

جوري:هيي ساام صاير شاعر

سامي:ههههههه هوا في احد يشوف الورده هذيك وما يصير شاعر

جوري ضحكت على رومنسيه اخوها ما كانت متوقعه منه كدا:ههههههههه لا انتا حالتك مستعصيه

سامي:الا لمين داا

جوري:ساام لا تستعبط يعني لمين

سامي بدا يفهم شوي:طيب لياسمين بس بمناسبه ايش ؟

جوري:بمناسبه انك بتقولها عن حالتك المستعصيه

سامي بسرعه بدون تفكير:لالا يمكن هيا ما تحبني

جوري:ساامي بلا عبط


سامي قاطعها:ايشبك انتي من يوم دخلتي عبط استهبال ومدري ايه اصغر عيالك انا

جوري:هي هي لا اكبرهم اسمع بس ياسمين تحبك وتموت فيك ودايما تسأل عنك ولمن تكون جالس معانا تجيها حاله بكم

سامي:مدري خايف

جوري رفعت حاجبها باستنكار:انتا تخاف اقول لا يكثر

سامي:لا بس كنت امزح

جوري:طيب تعال افهممك الخطه

سامي:خطة ايه تراها كلمه وصلى الله وبارك

جوري:تعال تعال بس



عند البنات

ساره نادت الشغاله ترتب المكان وحددت كل واحد فين يجلس بحسب الفرق وخلت ياسمين مكانها جنب سامي
سحر راحت تثبت الكاميرا بين الزرع على المكان المحدد يوقفوا فيه
سمر قاعده زيها زي قلتها [وحدهم المديرون لديهم صلاحيات معاينة هذا الرابط]


الساعه 10 الكل رجع اجتمع
البنات يسولفوا وسامي يفكر برد ياسمين اللي متأكد من حبها له
وصلت اخيرا ياسمين
ياسمين دخلت بهدوئها المعتاد:هااي

الكل:هااي

قاموا سلموا عليها اول ما فصخت عبايتها كانت لابسه تيشرت ريال مدريد

سامي وساره تصفيق وتصفير حاله صاروا متعادلين مع البرشلونين

ساره:اصلي عليكي تعالي اجلسي عند المدريديه

ياسمين راحت وتردد 200 مره تجلس جنب سامي

ساره:ياسمين كلها جلسه بتصلي صلاه استخاره قبل ولا ايش اجلسي حتبدا المباراه
بدأت المباراه وبدأ التحدي

10:30 بدأت المباراه

11:30 خلصت المباراه

وفاز ريال مدريد

ياسمين قامت قفلت الشاشه

ياسمين:سوسو يلا -جلست تطبل على الطاوله بيدها الرشيقه اللي عملت ازعاج في المكان-

ساره بدات تغني اغنيه للريال مدريد:ع الريال اموت انا ..غيرا ما احب ثاني..ع الريال اموت انا ..غيرا ما احب ثاني..افضل نادي بالعالم..ملك الدوري الاسباني ..رياااااال التاج ع الرشا ..بس ع الفوز علمنا

وسامي كان يرقص استهبال لانه متعود على صحبات اخواته وتقريبا متربين مع بعض

سامي:لولولولولولولولولولولوولولولولوللوللي

البنات فطسوا ضحك على اشكالهم وبعدها بدات حرب المخدات

ساره سحبت ياسمين بهدوء بدون ما يحسوا عليها

اول ما خرجت ساره راحوا البنات عند سامي

سحر:عارف ايش بتقول ولا تورطنا

سمر:لا تخاف ولا تتوتر

جوري:تراها تموووت فيك

سحر:رتب نفسك

سمر طلعت الورد:لا تنساه

سامي:طيب طيب خلاص حسستوني اني بروح اخطب -وقف بيفتح الباب-

صرخت جوري:اسسسستتتنى -طلعت عطر من جنبها وعطرته-

سامي:خلاااااص يا مهابيل

جوري وسمر:انتا الاهبل

سامي :انتو متى تتعلموا الادب ليه ما تكون زي سحورتي هاا

سحر خجلت هيا متعوده على المدح لكن من سامي تخجل وهذا الشي يقهرها

سامي ارتبك من خجلها ما يدري ليه

وجوري وسمر يستهبلوا ولا هما معاهم

وطلع من عندهم


عند ساره وياسمين

ساره سولفت وسكتت

ياسمين:يلا نرجع عند البنات

ساره:لا اصبري شويا

ياسمين:هي انتي تراني طفشت منك وبعدين هنا مره حر يلاا نرجع

ساره اخذت الاشاره من البنات :يسمينتي

ياسمين بطفش:هاا

ساره:بروح اجيبلك حاجه خليكي شويا

ياسمين:طيب

راحت ساره تجري من الحديقه للقصر من الناحيه الثانيه وكانت مسافه طويله

وصلت عند الكاميرا وشغلتها ورجعت عند البنات

سامي اخيرا وصل لياسمين

ياسمين كانت تلعب بالجوال رفعت راسها لما حست فيه

سامي كان مبتسم ابتسامه جذابه انربط لسان ياسمين من ابتسامته:ممكن اجلس معاكي

ياسمين لفت وراها تدور ساره اللي ما رجعت:هاا لا ااا اقصد ايوا تفضل

سامي ضحك بخفه على ارتباكها

ياسمين خجلت من كلامها

سامي:كيفك ؟

ياسمين:كويسه

سامي:طيب وانا كمان كويس

ياسمين:ههههه

سامي:ي لبببى الضحكه وصاحبتها

طالعت فيه مستغربه

سامي:قربي شوي بقولك حاجه

ياسمين:قول كدا مو لازم اقرب

سامي:لا لازم لا تخافي انا ما اعوض

ياسمين:هه طيب

حطت يدها بهدوء على الطاوله وقربت كانت قريبه منه مره كانوا بتادلوا التنفس
جالسين على طاوله دائريه صغيره وكراسي طويله مع طول الطاوله قدام المسبح

سامي برومنسيه ما عرف نفسه م طريقه كلامه:احببك

ياسمين رجعت ظهرها على الكرسي وخدودها حممرت وابتسمت ابتسامه صغيره

سامي يكمل بعد ما شاف ردت فعلها:ايوه احبك واموت فيكي وربي اسبوعي يكون نكد لما ما اشوفك لما اشوفك احس الروح رجعتلي احس انتي اللي بتخلي حياتي احلى حياه لو كنتي تقدري تخلي حياتي احلى حياه بس قولي ايوا وانا افهم

ياسمين حست انو قلبها غاص بين ضلوعها ( يا مااامي يا رب ما ابكي يا رب ما ابكي ..ايوا ايوا و100 ايوا كمان بس يا رب تطلع):احم احم ايوه

سامي ابتسامته اتسعت:يا لبببى الخجلانه

هنا ياسمين وصلت حرارتها 200 قامت بعيد شويا تهدي نفسها

لحقها سامي وقف وراها:ليش قمتي ايشبك

ياسمين بعفويه:خاييفه

سامي ابتسم على برائتها وقف قدامها ومسك يدها:من اليوم وطالع ما في شي اسمو انا خايفه لانو انا بكون معاكي ..

عند البنات
كانوا يطالعوهم من الزجاج اللي يطل على المسبح
جوري: يا رب وفقهم يا رب واصلح بينهم يا رب

ساره تكمل:يا وارزقهم الذريه الصالحه يا رب

سحر تكمل:والرزق الحلال يا رب

سمر تكمل:والحب الابدي حتى الموت قولوا اميين

البنات :امييييين

بعدها طاحوا على الارض من كثر ما ضحكوا على بعض

جوري:اشكالهم حلوه مع بعض

سمر:يجنننننننننننوووو

ساره:وساام صاير رومنسسي

سحر:من جد والله حلوين

جوري:بس لا يفوتكم سام ايش جلس يقول لمن طلعتلو الورد

ساره بفضول:اييش

جلست جوري تحكيلهم

اعرفكم على الشخصيات الجديده في الروايه لين مايخلصوا حكي البنات [وحدهم المديرون لديهم صلاحيات معاينة هذا الرابط]



سحر اقرب صحبات ساره لها

بنوته طويله ونحيفه..مره جريئه وتكره اللف والدوران..متربيه مع ساره تقريبا

واللي في قلبها على لسانها ..تستحي من سامي ..وسامي يرتبك من خجلها الغريب



سمر ثاني عضوه في الشله

بنوته ناعمه جدااا ..برونزيه زي البرازلين ..عيونها ازرق غاااامق على جدتها البريطانيا

مره فله وحليييمه لابعد درجه حقت طقاق ومضاربات

صحبت ساره وسحر من الطفوله



ياسمين ثالث عضوه في الشله

بنت ناعمه وهاديه وكلامها قليل ..خصرها عذااب ..طويله مره اطول وحده من صحباتها بينها وبين ساره بضع السنتميترات ..ملامحها بريئه مره ..جبااانه لابعد الحدود



نرجع للبنات

خلصت جوري حكي

البنات:هههههههههههههه

سحر:والله كشخه ساام

سمر:وناااصه ابغا واحد زيه

جوري تقلدها:ونااصه ابغا واحد زيه -ضربتها على كتفها بخفيف-احد قالك انه ثوب ولا ساعه

سمر:هههههههه

سحر:اللهوووممممااا ارزق كل فتاه في هذا المجلس الجميل رجل اكشخ من سامي ورومنسي اكثر منهوووو وكل معالم الرجوله فيهوووو

سمر وجوري:اممممميييين

ساره:ههههههههه والله حزنتوني احسسن انا عندي احسن من سامي وكل حاجه حلوه في الدنيا فيه

سحر رفعت حاجبها وغمزت للبنات وهجووووم على ساره
ساره قامت تجري رموها على الكنبه وبدأوا ينغزوهاا

دخل سامي علهم :هييي اختي وي وي قتلتوها

البنات بعدوا عنها

جوري وهيا تلهث:انتقمممت منوووكي

سامي:منووكي هاا اقول اجلسي اجلسي بس

جلسوا كلهم سوى وسامي كل شويا يكلم ياسمين باذنها

ساره جات في بالها حركه نذاله

جلست جنب سامي وبعدت شعره عن رقبته وكان في ناموسه وشكلها غلط من بعيد

ساره:يسمينتي

سامي:يسمينتي انا روحي انقلعي

ساره طنشت سامي وكملت:شوفي حبيب قلبك ايه في رقبتو

ياسمين :ايش هذا ؟

جوري:ايش بيكون يعني -غمزتلها-

ياسمين:لا من جد ايش هذا

سامي(وي وي هذي من جد مره برئيه في احد ما يعرف ايش هذا والله وطحتي بيدي ان ما خليتك تعلميهم هذي السوالف)

سمر:يسمينوو بتقنعيني انك ما تعرفي ايش دا

ياسمين:لا ما اعرف

سامي:خلااص انا بعدين اقولك ايش هذا

سمر قالت بالمصري:يا ساامي بلاش دي البنوته بريئه اوي ما تخربش اخلئها

سامي:هههههه طيب يختششي

ساره:ههههههه ياسمين حبيبي انتي هذي ناموسه وانتو يا منحرفات ايش بيجيب زي اللي في بالكم على رقبه سامي

جوري بذكاء غبي:يمكن من مناار !!

البنات:ههههههههه

ياسمين:مين منار ؟!

سام:هذي يا بعدي بنت خالو تموت في حاجه اسمها سامي -قرب من اذنها وهمسلها-لكن واللي خلق هالقلب ما قد طالعت فيها انتي حبي وبس

سحر:ساام انتا تزوجت قبل كدا

ساره فهمت على صحبتها:ايوه قد تزوجت

سامي:اتزوجت مدري والله انتو ايش رايكم

جوري:ايش دخل الزواج

سمر:ايوه ايش دخل

ساره:ما تشوفي حركات اخونا بالله

سمر فهمت:ههههههههه من جد والله انا اشك انك غلطه خالتو

سامي اتفشل:هههههههه عادي وين المشكله خلينا نعيش

جوري:لالا تخرب يسمينتنا خليها كدا احلى

سامي:معاكم خليها زي ما تحبو وهيا تحب بس معايا حاجه تانيه

جوري:والله شكلك حتضيع بنوتتنا

ياسمين:خليه حلاله

جوري ضربت كفوفها ببعض كأنها معصبه:خربتها يا بني بالنص ساعه دي

البنات:ههههههه

رن جوال ساره وكان مهند
ساره:سي يو اوول
طلعت تكلمه برى

سامي جلس يتكلم مع ياسمين لوحدهم لكن باله مع اخته
(مين طلعت تكلم برى لوحدها وكل صحباتها هنا)

وسحر وسمر وجوري جالسين يسولفوا

سحر:جوااري ليش ما تكوني زي اخوانك

جوري كشت على وجهها :ومين بيطالع بهالخشه

سمر:اي والله معاكي حق

جوري:معاكي حق في عينك انا اسب نفسي مني لنفسي نختلص اما انتي بصفه ايش تسبي هاا
وبعدين بدال ما تتفلسفي ليه حضرت جنابك ما تكوني زي صحباتك

سمر:لسا يا حبيبتي ما لقيت فارس الاحلام زي اللي بالي

سحر:وايش شكله اللي في بالك

سمر:مممم اباه زي طول مهند وزي سمار سامي وزي عيوني ونذل زي سوسو ورومنسي ويعشقني زي روميو

سحر:وروميو دا فين بنلاقيه ان شاء الله

جوري:ههههههههه في احلام سمر الورديه

سحر:هههههههه من ججد

سمر:روحو انقلعوا لو ما لقيت رجال في الموصفات دي ما بحب ابدأ ولا بتزووج ابدأ

جوري:على كدا بتعنسي

سحر:هههههههه هيا كدا ولا كدا معنسه معنسه

جوري:هههههههه الله يعيننا

عند سامي وياسمين

ياسمين:سام ايش كان قصدهم عن الناموسه

سامي:من جد ما تعرفي

ياسمين:لا ما اعرف

سامي:يعني -قالها الباقي في باذنها -

ياسمين صار وجهها عناابي مو احمر بس

وسامي مستانس على شكلها
سامي بعد ما خلص:عرفتي ايش يعني

ياسمين نزلت راسها ورجعت شعرها ورى اذنها:ايوا

سامي:طيب ايشبك ملخبطه كدا

ياسمين:لا ولا حاجه عادي يعني

سامي:ايوا عادي المفروض تكوني عارفه كل حاجه

ياسمين:ايوا لمفروض

سامي:ههههههههه
خلص اليوم والكل رجع بيته تعبااان على الاخر بعد الضحك واللعب

تكملت الجزء الثاني
يوم الجمعه الساعه 12

دخلت الشغاله على ساره بهدوء عكس العاده

الشغاله:مس سوسو ويك اب ويك اب
(انسه سوسو اصحي)

ساره:رووز انقلعي عن وجههي

روز الشغاله:يور فاذير هيير ناو
(ابوكي موجود هنا الحين)

ساره جلست على السرير بسرعه:اوكي اوووت

قامت من سريرها متحمسه ومشتاقه لابوها اللي صارله عشر شهور مسافر
اخذت شور سريع..نشفت شعرها
لبست برمودا بيضاء..وتيشرت اورنج..وربطت شعرها ذيل الحصان

نزلت تحت بسسرعه وشوقها سابقها

نادت على رئيسه الخدم:مرفوعه مرفوعه وير داد

مرفوعه:ان جاردن
(في الحديقه)

طلعت الحديقه شافت ابوها ومعاه واحد جات بترجع لكن ابوها ناداها

ابو ساره:سوسو تعالي بابا عاادي

ساره راحت بهدوء ومشيه مستقيمه

باست خد ابوها وما طالعت بالرجال اللي معاه:الحمد لله على السلامه

ابو ساره:الله يسلمك حبيبتي

ساره:اوكي بابا عن اذنكم ما بعطلكم

طالعت باللي جالس مع ابوها..كان مبحلق فيها ..وباين في عيونه ..الانبهار والاعجاب
ولا مهتم لوجود ابوها..اعطته نظره ..بعدها نزل راسه على طول..

ابو ساره:اذنك معك -بعد ما راحت-هذي بنتي الكبيره ساره

مشعل ما كان مع ابو ساره ..كان مع القمر المغروره..اللي كانت قدامه دوبها..تفحصها كلها..من البدايه للنهايه..ملاك كان قدامه..ايش هذي بشر..انتبه لابوها بعد التخدير اللي مرعليه:الله يخليها لك
كمل شغل مع ابوها

ساره بس طلعت غرفتها معصبه وتتكلم بصوت عالي:عمممممى في منظرو كأنو ما قد شاف بنت وجعع كريه معفن معاااق كل انواع الامراض فيه كريييه مره سييين مو حلو

دخلت جوري عليها:مين اللي شين

ساره:الغبي اللي تحت مع بابا

جوري بحمااس:بابا جااا

ساره ونسيت موضوع مشعل هزت راسها بقوه:يييييس جاا وشكله طولان

جوري:هههههه طولان اسمها نحفاان

ساره:اللي هوا

جوري:اوكي بنزل اسلم عليه

ساره:وصحي ساام بطريقك

جوري وهيا تطلع:ططططيييب

راحت على جناح سامي
نطت على السرير :سااام سااام سمووي سامي حبو يلا قووم

سامي معصب:جوووري بلا مبزره روحي انقلعي بناام

جوري سحبت المخده من تحت راسه:قوم بابا جاا

سامي قعد على السرير:مو وقت خفتك ي غبيه هاتي مخدتي

جوري:قووم حبو انتا بابا جاا ما تبى تسلم عليه

سامي:كدااابه هوا قايلي بعد اسبوع روحي استهبلي على سوسو مو عليا

جوري مسكته من يده:قوم معايا اذا ما كان فيه غضني ولو كان فيه انا بعضك

وقفوا على الشباك الكبير اللي على الحديقه

جوري بانتصار:شوف هذا ميين

سامي وشعره منكوش وطويل ومضيق عيونه يطالع في ابوه:اي والله ابويا ي لبيييه وحششني كرشه

جوري:هههههههه طيب البس بسرعه عشان ننزل انتا وشكلك دا

سامي:حلو صح

جوري :ايوا مررره

سامي:ما تبي تعوضيني

جوري:لا يعع انتي كعه بس تتروش تصير يممي ويبالك عض

سامي:انا كعه ما عممري بصير يمي روحي روحي الله لا يبلانا بززره

جوري مدت لسانها:انقلع يا المقهوور

سامي طنشها ودخل الحمام
راحت غرفتها لبست تنوره فوشي لنص الفخذ مع تيشرت اسود فيلو صوره بنت لابسه زيها
رجعت لسامي دقت الباب ودخلت
جوري:يلا لسا بتلبس بنروح زواج احنا

سامي كان يربط رباط الجزمه -وانتو بكرامه-:طيب

جوري:شوف انا البنت اللي المفروض اخلص بعدك خلصت قبلك

سامي:طيب

جوري:كلمت ياسمين ؟

سامي:طيب

جوري:عممى ايش طيب جالسه اسالك انا ايش اللي طيب طيب

سامي:يخي صرعتيني داخله تتفلسفي على راسي لخمتي اوممي يا شيخه

جوري:اقول بلا كثره حكي ويلا

سامي:انزلي وانا بلحقك

جوري:طيب

وهيا خارجه انتبه سامي للبسها:جواري بتنزلي كدا

جوري طالعت في لبسها:ايوه

سامي:يا قلبي في رجال عند بابا روحي البسي شي تاني

جوري:ساام انا صغيره ما بيطالعني

سامي راح وقف قدامها وبانت جوري كانها بنته من قصرها بالنسبه لطوله:كبيره ولا صغيره انتي حلوه اكيد بيطالع بدون شك

جوري بتضجر:ساااام

سامي:عشاني روحي البسي شي تاني وانا استناكي

جوري:اووف انتا من متى تدقق على دا الكلام

سامي:حبيبي لما يكون فيه بنت غيرك البسي اللي تبغيه بس لما تكوني لوحدك بين رجال اكيد بيطالعوا فيكي فهمتي

جوري عوجت فمها:طيب

رحت لبست برمودا لنص الركبه واسعه اخضر فسفوري وقميص ابيض وكاب وربطت شعرها

طلعت لسامي:كدا حلو

سامي:كدا جنان يلا

جوري نزلت تجري على الدرج زي الاطفال
نزلت الحديقه:دااادي
باسته على خده برضوا الحمد لله على سلامتك وحشتتننني موووت

ابو ساره:وانتي اكثر يا هبوله-ابو ساره يطالع بمشعل-وهذي اصغر عيالي جوري

مشعل بابتسامه:اهلاا(هذي ما تشبه ساره مره فين دي بيبي مو زي ساره شكلها فخم وفي هيبه لا لا ساره احلى )

دخل سامي اخيرا
ابو ساره بس شاف ولده وقف يسلم عليه ووقف معاه مشعل
ابو سامي:هلا هلا بضي العيون

سامي حضن ابوه وباس راسه:الحمد لله على السلامه نورت السعوديه

ابو سامي:الله يسسلمك

سامي:كل هذي غيبه يا ابو سامي ما بغينا تجي

ابو سامي:هذا شغلنا وانتا عارف -لف على مشعل-هذا مشعل ولد وزير الـ............. وهذا ولدي الكبير سامي

سامي مد يده:اهلا وسهلا تشرفنا(ولد وزير مو مغرور)

مشعل :الشرف ليا (انتبه بس لا يطقلك عرق على ايه الغرور دا كلو)

بعد ربع ساعه قام مشعل واستأذن بلباقه:طيب يا ابو سامي عن اذنك اخليك ترتاح

ابو سامي:لا ايش دعوه مو خارج لين ما تتغدى عندنا

سامي بعد ما اندمج مع مشعل:لا بتجلس للغداء بعدها على راحتك

مشعل:لا مالو داعي اكلف عليكم

ابو سامي:ايت كلفه يصلحلي حالك بعدين الوالد يزعل علينا -غمزله-

مشعل:ههههه لا من هذي الناحيه ما يقدر على زعلك وانتا عارف

ابو سامي:اجل قول تم

مشعل:والله ماني رادك تم (وافق على امل يشوف ساره)

ساره واقفه على شباك غرفتها اللي على الحديقه .متنرفزه وتهز رجلها :بعدين يعني هذا مو ناوي يروح قام ورجع جلس افف

سامي:جوري قومي قوليلهم يجهزوا الغداء

جوري:طيب

راحت جوري للخدم وقالتلهم يجهزوا الغداء بعدها طلعت لاختها

دقت على اختها:ممكن ادخل

ساره:ادخلي

جوري:ليش جالسه هنا

ساره:مو شايفه هذا الاهبل عند بابا

جوري:اهااا ترلى مشعل بيتغدى عندنا

ساره:اسمو كمان مشعل وجعع ليش الاسماء اللي احبها على الناس اللي ما احبها

جوري:ههههه على طول ما احبو لسا ما جلستي معاه بالعكس مره حبيب ومتوااضع

ساره اشرت بيدها بلامبالاه:طيب ايش البس

جوري:البسي اي شي والبسي طرحه

ساره:من جد بالله واحد شايفني ببرمودا وبشعري انزلوا بعدها بطرحه

جوري:خلااص انتي حره وخرجت

ساره(عمممى جواري هذي ما منها فايده)
لبست سكني نيلي ..مع بلوفر ابيض ..عليه رسمت ميني ماوس بالاسود ..ضفرت الضفيره الصينيه ..ونزلت خصل على وجهها اعطاها جمال اكثر..
اول ما خلصت لبس طلعلها ابوها على جناحها:ادخل ولا

فتحت لابوها وعلى وجهها احلى ابتسامه:اكييد دااادي وحشتني -وحضنته-

ابو سامي:ههههه وانتي اكثر ي بعدهم

ساره:بابا ادخل

ساره بعدت عن ابوها وجلسوا في الصاله الصغيره اللي في جناحها:بابا كيف كان شغلك

ابو سامي:الحمد لله كان مره كويس ومسهل

ساره:الحمد لله عساه دوم بابا لا تعيدها مره تانيه وترجع تسافر كدا والحين مافي سفر اقل شي تجلس معانا شهر شهرين

ابو سامي سرح في شكل بنته كان شكلها يسحر كان شكلها مميز دلعها مع ثقل كلامها بطريقه ناعمه على شويه عربجه محد يلاحظها غير اللي معاشرها

ساره خجلت من ابوها:باااباا

ابو سامي:ههههه والله يا بابا زكرتيني بمامتك الله يرحمها

ساره:الله يرحمها

ابو سامي:والله يا بابا بنزل على الاسبوع الجاي اجلس اسبوع اسبوعين بالكثير بدبي وارجع

ساره مدت بوزها ونسيت كلام ابوها وسرحانه في شكلها:بابا انتا المره الماضيه قلت شهر شهرين بالكثير وجلست عششره يا بابا عشره ودي المره بتعمل كدا كمان

ابو سامي ابتسم :خلااص تسافري مع باباتك ولا لا

ساره لفت عليه بابتسامه كبيره بينت اسنانها البيضه المرتبه وبدون تفكير:اكييد بسافر معاك -اهم شي تكون مع ابوها اللي تعشقه اكثر شي في الحياه-

ابو سامي:اوكي يا بابا ننزل للغداء الرجال يستننا

ساره:بابا مين دا اللي عندك شكلو صغير

ابو سامي:هذا الصغير بيصير شريكي في الشركات الجديده اسمه مشعل ولد وزير الـ..........

ساره:اهاا اوكي انزل له وانا شويا والحقك(باين ولد نعمه لكن مو وزير مره وحده بعدين فين الغرور حقهم)

نزل ابو سامي عند ضيفه
ساره رشت عطر ولبست اسواره عليها اسم مهند بالانقلش
نزلت على الدرج وبعدها راحت على اقرب دورة مياه وقفت ترتب لبسها قدام المرايا الطويله
طلع واحد من دوره المياه
كان مشعل ساره كان على بالها سامي لفت بتمشي قبل ما يتكلم
مسك يدها :والله قمر لو كنتي صاحيه من النوم

ساره طالعت في يدها وشالت يده بيدها التانيه وركزت على عيونه وبصوت قريب للهمس:حركه ثالثه حيكون اخر يوم في عمرك

مشعل سرح في بحر عيونها ولا عيون المها بجمالها

مشيت وكان باين انجذابه لها

مشعل بعد مده بسيطه وساره كان لسا في المكان:ايش يتعمليلي بتعوضيني

ساره وهيا تكمل طريقها قالت باستهزاء:ايوا بعوضك

دخلت غرفه السفره بعدها مشعل على طول

مشعل:اسف تأخرت

ابو سامي :لا عادي تفضل

جلس مشعل واشر ابو سامي للخدم يغرفولهم

بدأ ياكلوا ومافي غير صوت الملاعق

مشعل جلس قدام ساره وفتحت نفسه على الاكل كان كل شويا يسرق نظره لها

جوري بهمس بينها وبين ساره لانه ممنوع الكلام على الاكل وابوها فيه:سوسو شوفي دا الشي اللي قدامنا يهبل

ساره طالعت باحتقار ما كان يطالعها:لا يسد النفس

جوري:بلا غرور والله انه مره حلو بس ليش اسود كدا تحت عيونه

ساره:يختي مدري وبعدين معففن -اتعمدت تعلي صوتها عشان يسمعها-

ابو سامي طالع بطرف عينه على ساره:احم احم

ساره:اسفه بابا

لفت على مشعل كان يطالعها ولا همه احد(فعلا مو متربي يخي احشم الرجال اللي مجلسك في بيته ويأكلك من اكله لكن معاها حق جوري مره حلو ماشاء الله بس اسود تحت عيونه كأنه مدمن )

خلص الغداء واستأذن مشعل على طول
ساره اول ما طلع راحت لا اراديا تتطمن اذا طلع ولا لا كان جالس زي الهم على قلبها
وقفت على الشباك اللي يطل على باركينج القصر
واخيرا بان الرجال الطويل بعضلاته بثوبه السكري والشماغ السكري والجزمه والساعه البنيه كان جذاب وعليه هاله من الشمس زادت جاذبيته

وقفت سياره فيـاجراء السوداء السياره المفضله عند ساره وقدامها سياره بنوراما للحراسه
فتحله السواق الباب وبان مشعل الحقيقي ولد الوزير المغروور
قبل ما يركب انتبهلها نزل نظارته واشر لها بيدها واعطاها نظره ما فهمت معناها

لكن ساره يا جبل ما هزتك ريح ولا حرك فيها ساكن وقفت لين ما تحركت السيارات من القصر
رجعت عند ابوها واخوانها بخيال سرحان
ساره:كم الساعه

جوري:2

سامي:اووه نسينا عزومه جدتي

ابو سامي :جدتك ام امك

سامي:ايوا يا الله الحين تزعل علينا بروح اكلمها

ابو سامي:تقريبا كم صار عمرها مره كبيره صح

جوري:ايوا مره اظن في الثمانينات

ابو سامي:اهاا الله يطول عمرها

ساره(وقح جريئ الله يعين اللي بتتزوجه الحمد لله مهند جريئ لكن بعقل -طالعت على الاسواره الي بيده ما كانت موجوده-فين اسوارتي لا لا الا دي الاسواره اكيد طاحت هنا ولا هنا) كملت سرحانها ومقارنتها بين مشعل ومهند

عند مشعل(مستحيل للي حصلي شوفت اشكال الوان صديت لكن هيا غييير فيها شي مميز لبسها كلامها مشيتها فمها طولها جسمها جذااابه بكل شي عيونها اخخ يا عيونها ولا عيون الغزلان ايش هذا فتانه انثى بكل المعاني)
مسك جواله ودق الرقم المطلوب
الموظف بس شاف رقمه(يا ليل جانا الهم):مرحبا طال عمرك

مشعل:ساره محمد الجراح كل شي عنها يكون على مكتبي باقل من ربع ساعه

الموظف:حاضر طال عمرك تامر شي ثاني

مشعل:يعني باستناك تسأل -وقفل الخط -

نبذه عن مشعل
رجال كل معالم..الرجوله والهيبه والكلمه القويه فيه.. لا حضر في المكان ..وقفوا له رجال ..ومو اي رجال ..مغرور لكن وقت المصالح ..والشغل قمة التواضع ..اصغر عيال الوزير.. لكن يعتمد عليه اكثر شي ..
نتعرف عليه بباقي الاحداث

وصل مكتبه وزي ما طلب كل الاوراق عنده
طنش شغله ومسك الاوراق وبدأيقرأ بتمعن وفضول
الاسم:ساره محمد سعيد الجراح
العمر:19
تاريح الميلاد:20/2 ميلادي
13/10 هجري
مكان الولاده:باريس فرنسا(حركاات طلعتي فرنسيه ي سويره)
والدتها متوفيه منذ صغرها
وكلام كثثثير كل شي عنها كل حياتها
رقم جوالها وايميلها وفين دراستها وايش معاها لغات ومواهبها وحتى اسماء المصممين والماركات اللي تاخذ من عندهم

بعد ما خلص بصوته المبحوح الفخم:والله وطلعتي مو هينه ي بنت الجراح
رجع لشغله لكن مين يشيلها من باله
بعد فتره من الصراع الداخلي اللي عاشه يبغى يركز بشغله وما تغيب عن باله صورتها بالمره
سند جسمه العريض على الكرسي
شاف اسواره جنب جواله اخذها وقرأ اللي عليها(مهند ..مممم مين مهند اكيد حبيبها لا يمكن اخوها لكن هيا ما عندها غير سامي هوا مافي غير حبيبها نشووف ي ساره والله ما اكون ولد ابوي اذا ما جبت راسك يا بنت الجراح)

نهايه الجزء الثاني
ايش نهايه حب ياسمين وسامي بيستمروا ولا لا ؟!!
مين مشعل وايش له دور في روايتي ؟!!
كل هذا مع الاحداث بنعرفه ان شاء الله

اختي العزيزه
اشكرك على نقل روايتي اللي بقلمي وانتي نسبتيها لنفسسك
اتمنى انك تتحترمي مره تانيه خصوصيه الغير
وعاملي الناس كمان تحبي ان تعاملي ممكن

تسسلمي كثير حلوو